ძველი თბილისის რაიონის პროკურორის, გირშელ ძებნიაურის ინიციატივით, 2009 წლის 20 მაისს, დაბა შინდისის საჯარო სკოლაში მოეწყო შეხვედრა/აქცია თემაზე — ნარკომანია და ახალგაზრდობა.
შეხვედრაში მონაწილეობა მიიღო ძველი თბილისის რაიონის პროკურატურის თანამშრომლებმა, სამხატვრო აკადემიის რექტორმა გია ბუღაძემ, ასევე გიორგი გუგუშვილმა და ინგა ღონღაძემ. შეხვედრას ესწრებოდა სამხატვრო აკადემიის 4 სტუდენტი. შინდისის საჯარო სკოლის მოსწავლეებმა წარმოადგინეს თეატრალიზირებული დადგმა ნარკომანიის შესახებ. აქვე გამოცხადდა კონკურსი თემაზე „ნარკომანია“.